Ўрда майдонида байрам шукуҳи

  Қўқон шаҳримизнинг Ўрда майдонига қурилган катта саҳнада кўнгилочар куй – қўшиқлар, жозибали рақслар, халқ сайиллари бошланди. Ўрда майдони томошабинларга тўлган. Шаҳримизга ташриф буюрган хорижий меҳмонлар, вилоятлардан келган фестиваль қатнашчилари ва ҳамшаҳарларимиз миллийликни ўзида акс эттирган бадиий мусиқали саҳна кўринишларини ўзгача кўтаринки кайфият билан қарши олишмоқда. Шулар қатори ЎзДСМИ Фмфилиали талабалари ҳам фестивал меҳмонларини янграётган дилтортар шўҳ тароналарга рақсга чорлашмоқда. Ҳамманинг юзида табассум ва байрам қувончи акс этмоқда.

Серқирра ижодкор талабамиз Гулирухсор Жўраева

  Ўзбекистон давлат санъат ва маданият институтининг Фарғона минтақавий филиалида иқтидорли, қобилиятли санъатсевар талабалар кўпчиликни ташкил этишади. Фолклор ва этнография йўналиши бўйича 2 – босқич талабаси Гулирухсор Жўраева ҳам серқирра ижодкор талабалардан. Республикамизда ўтказилаётган кўпгина кўрик – танловларнинг ғолибаси, халқ лапарларини қўлидаги сози билан ижро этаётган бу қизимиз айни кунларда Қўқон шаҳримизда ўтказилаётган Халқаро ҳунармандчилик фестивалига бағишлаб ўзининг муаллифлик қўшиғини яратди. Эътиборингизга ушбу қўшиқни ҳавола этамиз.

ЎзДСМИ Фмфилиали маъмурияти 1 – босқич талабалар билан яқиндан танишдилар

   Ўзбекистон давлат санъат ва маданият институтининг Фарғона минтақавий филиалида 1 – босқич талабалари филиалимизнинг фаолияти билан яқиндан танинишмоқда. Бугун ЎзДСМИ Фмфилиали маъмурияти, ишчи ходимлари, мураббий ўқитувчилари янги ўқишга кирган талабалар билан яқиндан танишиш мақсадида учрашув ташкил этишди. Филиалнинг АРМ раҳбари Икромжон Ҳабибжонов барча мураббий ходимларни талабаларга расман таништириб ўтди. Шундан сўнг ҳар 1 – босқич гуруҳларга келишилган ҳолда гуруҳ сардорлари сайланди.

1 – Маънавият соати

  ЎзДСМИ Фмфилиали мажлислар залида 1- босқич талабалар учун олий ўқув юртининг ички тартиби, интизом қоидалари ва одоб аҳлоқ, ўзбекона самимий муомала ҳамда кийиниш маданияти юзаси бўйича маънавият соати ўтказилди. Шунингдек бу йилги ўқув йилидан контракт тўлов шартномаси бўйича ўзгаришлар киритилгани ва тўловлар қандай амалга оширилиши юзасидан керакли маълумотлар берилди. Ўқув ва тарбиявий ишлар бўйича директор ўринбосари А. Сатторов ва филиал маслаҳатчи юристи Ҳ. Усувалиевлар билан талабалар ўртасида хуқуқий ва бошқа савол жавоблар бўлиб ўтди.

1 – босқич талабалар филиалнинг факультет ва кафедра фаолияти билан танишишди.

Ўзбекистон давлат санъат ва маданият институтининг Фарғона минтақавий филиалида 1 – босқич талабалар учун филиалнинг структуравий тузилиши, факельтет ва кафедра фаолияти тўғрисида кенг маълумотлар берилмоқда. Ўқув ва тарбиявий ишлар бўйича директор ўринбосари Акмалжон Сатторов, Ўзбекистон композиторлар ва бастакорлари уюшмаси аъзоси, «Шуҳрат» медали ва «Фидокорона хизматлари учун» орденлари соҳиби ЎзДСМИ Фмфилиали «Театр санъати ва халқ ижодиёти» факельтет декани Рафиқжон Аҳмедовлар талабаларга ўқиш давомида оралиқ ва якуний назоратлар, ижодий амалий имтихонлар, баҳолаш тизими жараёни ҳақида керакли маълумотлар ҳамда тушунчалар беришмоқда.

 

2019 -2020 ўқув йилининг 1-куни

Ўзбекистон давлат санъат ва маданият институтининг Фарғона минтақавий филиалида 2019 – 2020 янги ўқув йилининг 1 – ўқиш куни кўтаринки юқори кайфият билан бошланди. Йўналишларимиз бўйича ўқишга кирган талабалар ҳис – ҳаяжонга тўлиб, муқаддас даргоҳ, илм ўчоғи бўлган олийгоҳимизга ташриф буюришди. Устоз санъаткорлар, мураббий хофизлар томонидан янграган жонли ижродаги куй қўшиқлар барчани кайфиятини кўтариб, жозибали рақсларга уланди. ЎзДСМИ ФМфилиали директори, доцент Шамсиддин Усмонов барчани янги ўқув йили билан табриклаб устозлар ва талабаларга чиройли гуллар тақдим этишди. Ўзбекистон халқ артисти, эл ардоғидаги таниқли санъаткор Шафоатхон Раҳматуллаева ҳам 1- 2 – 3 – босқич талаба ёшларни бугунги байрам билан чин дилдан муборакбод этишди. Шундан сўнг барча талабалар гуруҳ раҳбарлари бошчилигида филиалнинг мажлислар залига киришди.

Мустақиллик дарси

ЎзДСМИ ФМфилиали мажлислар залида 1 – босқич талаба ёшлар учун Мустақиллик дарси ташкил этилди. Филиал директори Ш. Усмонов барчани мустақиллигимизнинг 28 йиллик байрами ва янги ўқув йили билан табриклашди. Шу қатори муҳтарам Президентимиз Шавкат Миромонович Мирзиёевнинг 2017 йил 16 – август кунидаги «Ўзбекистон давлат санъат ва маданият институтининг Фарғона минтақавий филиалини ташкил этиш тўғрисида»ги ПҚ – 3218 – сонли қарор билан тўлиқ таништириб, филиалимиз мана ниҳоят 3 – йилги талабаларни қабул қилганлиги ва бу ўз навбатида қувонарли хол эканлигини алоҳида таъкидлаб ўтишди. Ш.Усмонов юртбошимиз томонидан юритилаётган сиёсий жараён, ёшларга қаратилаётган катта эътибор, шарт – шароитлар, имкониятларни кенглиги хусусида мисоллар келтиришди. Шундан сўнг Ўзбекистон халқ артисти, кино ва театр тарихида беқиёс ўринга эга санъаткор Ш. Раҳматуллаева сўзга чиқишиб талабаларга тинчлик ва фаровонлик хукм сураётган мустақил ватанимиз барча учун азиз ва муқаддаслиги, хозирги кунда серқирра ижодкорлар учун керакли имкониятлар чексизлиги ҳақида фикр ва мулоҳазалар билдиришди. Ўзбекистон ва Қирғизистон Республикалари халқ артисти Ё.Ҳотамова, Ўзбекистон Республикасида хизмат кўрсатган артист Х. Умарова, Ўзбекистон Республикасида хизмат кўрсатган артист, аския санъатининг дарғаси Ж. Пўлатов, Ўзбекистон композиторлар ва бастакорлари уюшмаси аъзоси, созанда – бастакор, «Шуҳрат» медали ва «Фидокорона хизматлари учун» орденлари соҳиби ЎзДСМИ ФМфилиали «Театр санъати ва халқ ижодиёти» факелътет декани Р. Аҳмедовлар ҳам сўзга чиқишиб, кечирган умрлари мобайнида, қийинчиликда ўтган кунлари ва минг бир машаққатлар билан билим олишгани, изланишгани, санъат йўлида тўхтовсиз ижод этаётганликлари тўғрисида қизиқарли маълумотлар беришди. Кечаги ва бугунги кундаги катта ўзгаришлар борасидаги фарқларга, яратилаётган шароитларга изоҳ беришди. Ўқув ва тарбиявий ишлар бўйича директор ўринбосари А.Сатторов тадбир сўнгида 1- босқич талабалар учун ўтилажак фанлар, машғулотлар, қўшимча дарслар, маънавий ва маърифий тадбирлар белгиланган кунлар билан таништириб ўтишди.

Жонажон Ўзбекистоним, мангу бўл омон

Ўзбекистон Давлат Санъат ва Маданият Институтининг Фарғона минтақавий филиали раҳбарияти, маъмурияти ва бутун жамоаси барча юртдошларимизни 1- сентябрь мустақиллигимизнинг 28 йиллик байрами билан, ҳамда билимлар куни билан чин дилдан муборакбод этишади. Яратганга беадад шукроналар бўлсинки, юртимиз тинч, элимиз омонликда. Мусаффо осмонимиз узра тинчлик нашидаси хукм сурмоқда. Муҳтарам юртбошимизнинг ташаббуслари ила келажак биз ёшларнинг қўлида. Имкониятларимиз кундан – кунга ортмоқда, яратилган шарт – шароитлар сабабли спорт, санъат ва ўзлаштираётган билимларимиз туфайли зафарлар қучиб ватанимиз байроғини кўкларга кўтармоқдамиз. Бизнинг олий мақсадимиз ватан учун хизмат қилиш, унга ҳар доим содиқ бўлиш, юрт равнақини ошириш, бизга кўрсатилаётган эътибор ва ишончни оқлаш. 

Ёшликни олтинга айлагай қиёс

Бизлар замон ила доим ҳамхона

Келажак бизники, зафар бизники

Истиқболга пешвоз бизнинг мустақил ҳур замона.

Филиалнинг 1- сонли илмий кенгаши

ЎзДСМИ ФМфилиали мажлислар залида филиал Илмий кенгашининг 1 – сон йиғилиши бўлиб ўтди. Йиғилиш бошида ЎзДСМИ ФМфилиали директори, доцент Шамсиддин Усмонов барчани » Жонажон Ўзбекистоним, мангу бўл омон» шиори остида нишонланаётган мустақиллигимизнинг 28 йиллик байрами билан чин дилдан табриклашди. Шундан сўнг Ўзбекистон Республикаси Президенти фармонлари, Вазирлар Маҳкамаси қарорлари, Ўзбекистон Республикаси Олий ва ўрта махсус таълими, Маданият вазирликларининг муҳим топшириқлари, буйруқлари билан таништириб ўтишди. Ўқув ва тарбиявий ишлар бўйича директор ўринбосари Акмалжон Сатторов 2019 – 2020 янги ўқув йилига тайёргарлик ҳолати тўғрисида, 2019 – 2020 ўқув йили учун комплекс иш режасини тасдиқлаш тўғрисида керакли маълумотлар берди. Филиал профессор – ўқитувчилари ва ходимларининг ойлик маошлари, уларнинг миқдорини белгилаш хусусида филиалнинг бош ҳисобчиси Дониёр Қосимов сўзга чиқди. Йиғилиш давомида турли яна бошқа масалалар кўриб чиқилди. Филиал директори Ш. Усмонов жамоа таркибига янги ўқув йилидан қўшилган мураббийлар, мутахассис ўқитувчиларни яқиндан таништириб чиқишди. Йиғилиш сўнгида Ўзбекистон Республикаси мустақиллигининг 28 йиллиги муносабати билан ўтказиладиган маънавий – маърифий тадбирлар ва Қўқон шаҳримизда 10 – 15 сентябрь кунлари ўтказиладиган «Халқаро ҳунармандчилик» фестивалига тайёргарлик юзасидан олиб борилаётган ишларга алоҳида тўхталиб ўтилди. ЎзДСМИ ФМфилиали матбуот котиби И. Ҳасанов.

2019-2020 ўқув йили олдидан семинар ташкил этилди

ЎзДСМИ Фмфилиали мажлислар залида Ўзбекистон Республикаси Олий ва ўрта махсус таълим вазирининг 2019 йил 2 – августдаги 699 – сонли буйруғи ижроси юзасидан Олий таълим муассасаларининг мураббийлар кенгаши раислари ҳамда тарбиячи – педагоглари учун семинар ташкил этилди. Семинарни ЎзДСМИ Фмфилиали ўқув ва тарбиявий ишлар бўйича директор ўринбосари Акмалжон Сатторов кириш сўзи билан очиб 2019 – 2020 ўқув йили учун керакли меъёрий хужжатларни тайёрлаш, йил давомида қилинажак иш режаларни тузиш, гуруҳ журналларини тартибли юритиш бўйича кўрсатмалар берди. Ўзбекистон композиторлар ва бастакорлар уюшмаси аъзоси, «Шуҳрат» медали ва «Фидокорона хизматлари учун» орденлар соҳиби ЎзДСМИ Фмфилиали декани Рафиқжон Аҳмедов семинар қатнашчиларига мураббий ва талабалар ўртасида «Устоз – шогирд» анъаналарини давом эттириш, мураббий, ўқитувчи, тарбиячиларни ўз касбига виждонан ёндашиш борасида фикр ва мулоҳазалар билдирди. Семинар сўнгида филиалнинг кафедра мудири Равшанжон Деҳқонов сўзга чиқиб узоқ вилоятлардан келиб ўқиётган талабаларга керакли шарт – шароитларни таъминлаш, уларни доимий назоратга олиш нафақат гуруҳ раҳбарига, балки барча мураббийлар зиммасида эканлигини алоҳида таъкидлаб ўтди. Филиалда ўқиётган ҳар бир талаба ўқитувчиларга бириктирилгани билан таништириб ўтди. Семинар қатнашчилари хулоса ўрнида керакли вазифалар ва топшириқларни ўз зиммаларига олишди.