Xalqaro hunarmandchilik festivaliga tayyorgarlik

O’zDSMI Fmfilialida Musiqali teatr aktyorligi, Musiqali teatr rejissyorligi, Ashula va raqs, Folklor va etnografiya yo’nalishlari bo’yicha tahsil olayotgan talabalardan tashkil topgan ijodiy guruh Qo’qon shahrimizda o’tkaziladigan Xalqaro hunarmandchilik festivaliga bag’ishlangan tadbirga ko’tarinki ruhda tayyorgarlik ko’rishmoqda. Hunarmandchilik kasblariga oid xalq og’zaki ijodi terma laparlaridan tashkil topgan kuy qo’shiqlarni jonli va teatrlashtirilgan tarzda ijro etishmoqda.

 

«Qo’qon teatri: kecha, bugun, ertaga»

Халқаро ҳунармандчилик фестивали тобора яқинлашяпти. Қўқон мусиқали драма театри жамоаси олдида ҳам фестивални юқори савияда ўтказиш борасида масъулиятли вазифалар турибди. Худоёрхон ўрдаси, Дастурхончи мадрасаси ва бошқа тарихий обидаларда меҳмонларни муносиб кутиб олиш, уларга саҳна кўринишлари орқали ҳунармандчилигимиз ва шаҳримиз тарихи ҳақида маълумотлар бериб бориш театр актёрларидан катта тайёргарлик талаб этади.

Театр директори Азизхон Аҳмедов раҳбарлигидаги жамоа томонидан фестивалда ижро этиш учун мазмунан мос келадиган саҳна кўринишлари тайёрланяпти. Қўқон хони Худоёрхон даврида ҳунармандларга қандай эътибор кўрсатилганлиги акс этган тарихий спектакль саҳналаштирилди. Режиссёр Дилшод Аҳмадалиев шаҳримиз тарихига оид китоблардаги маълумотларга таяниб, турли тарихий даврларга оид саҳна кўринишлари тайёрлаш устида ишлаяпти.

Фестивалга ва янги мавсумга тайёргарлик ишларини режалаштириш мақсадида “Қўқон театри: кеча, бугун, эртага” мавзуида илмий-амалий семинар ҳам ўтказилди. Анжуманда театр ижодий жамоаси, шаҳар зиёлилари иштирок этдилар.

Театр директори Азизхон Аҳмедов республикамизда Давлатимиз раҳбари томонидан театр санъатини ривожлантиришга берилаётган катта эътиборга жавобан соҳада меҳнат қилаётган ҳар бир ходим ҳам ўз вазифасига масъулият билан ёндашиши кераклигини таъкидлади. 5 та муҳим ташаббус бўйича театр жамоаси томонидан шаҳримиз ва атроф туманларда ибратли ишлар қилингани, 7 та мактабда ёш томошабинлар театри ташкил этилганлиги ва бошқа ибратли ишларга тўхталди.

Ўзбекистон халқ артисти Шафоатхон Раҳматуллаева театр репертуарини янада яхшилаш, томошабоп асарларни саҳнага олиб чиқиб, театрга томошабинни қайтариш, Халқаро фестивални ҳамжиҳатликда ўтказиш борасида ўз таклифларини берди.

Республикада хизмат кўрсатган маданият ходими, режиссёр ва драматург Азимжон Азизов ва Жўрахон Пўлатовлар ёш актёрларнинг билим савиясини ошириш, “Устоз ва шогирд” анъанасини қайтадан тиклаш зарурлигини билдирди.

Ўзбекистон давлат санъат ва маданият институти Фарғона минтақавий филиали директори Шамсиддин Усмонов Президентимиз Қўқон мусиқали драма театрига ташриф буюриб, театрнинг ютуқ ва муаммолари билан танишгач, шаҳарда маданият ва санъат ходимларини тайёрлашга ихтисослашган институт очилгани, бу ўрта маълумотли театр актёрларига ўқиш учун яхши имконият эканини таъкидлади. Актёр ва актрисаларга олий маълумот олиш учун ўзи раҳбарлик қилаётган ўқув даргоҳида яратилган шарт-шароитлар ҳақида гапирди. Эндиликда институт ҳудуди кенгайиб (Туризм ва сервис коллежи бинолари олийгоҳга берилди), келгусида сиртқи ўқитиш йўналишлари ҳам очилиши ҳақида маълумот берди.

Ш. Усмонов ўз сўзида театрнинг буюк тарихи, яъни кечаси, бугуни ва эртаси ҳақида ҳам сўзлади. Тарихий йилларда театрларда ишлаш учун шароит бўлмаганлиги, совуқ кунларда юпун кийимларда роль ижро этилиб, неча-неча актёрлар оёғидан айрилгани, белини совуққа олдиргани, ҳаттоки совуқ, захлик туфайли юздаги гримни ювишдан ҳам қўрқишгани ҳақида гапириб ўтди. Қўқон мусиқали драма театри барча талабларга жавоб берадиган тарзда қурилгани, бугун ижодкорларга бу масканда муносиб шарт-шароит борлигини эътироф этди. Театрни янада жонлантириш бўйича ўз таклифларини билдирди.

Адабий эмакдош Абдулатиф Турдиалиев театр репертуарини шакллантириш борасидаги камчиликларга тўхталиб, уларни бартараф этиш йўллари ҳақида фикрларини айтди. Ёзувчи Носир Зоҳид 50 йиллар аввал томошабин кўплигидан театрга одам сиғмаганлиги, саҳнада иккита актёр соатлаб гаплашиб ўтирса ҳам одамлар саҳнадан кўз узмай, эринмай эшитиб ўтиришларини эслади. Эндиликда томошабинларнинг дунёқараши, талаби ўзгачалиги, шунга яраша театрда ҳам ўзгариш ясаш кераклигини таъкидлади.

Ёш ижодкорлар театрга мусиқа усталари – пианино ва бошқа мусиқа асбобларини маҳоратли чалувчиларни жалб қилган ҳолда мусиқали саҳна кўринишлари қўйиш кераклиги ҳақида таклифлар бердилар.

Театр директори Азизхон Аҳмедов театрда фестиваль муносабати билан таъмирлаш ишлари олиб борилаётгани, актёрларнинг кийимлари янгилангани, тарихий кийимлар ҳам босқичма-босқич янгиланиши, тажрибали мусиқачилар ишга таклиф этилишини билдирди. Анжуманни якунлар экан, эркин ва самарали ўтганлигини таъкидлади.

Маълумот ўрнида: Қўқон театрни республикадаги тўнғич театр. 1915 йилда ўзбек миллий театри асосчилари – Ўзбекистон Халқ ёзувчиси Ҳамза Ҳакимзода Ниёзий ва Ўзбекистон халқ артисти Миршоҳид Мироқилов томонидан ташкил этилган.

Xalqaro hunarmandchilik festivaliga tayyorgarlik

O’zDSMI Fmfiliali Ashula va raqs, Folklor va etnografiya yo’nalishlari bo’yicha tahsil olayotgan talabalardan tashkil topgan ijodiy guruh ustozlar yordamida Qo’qon shahrimizda o’tkaziladigan Xalqaro hunarmandchilik festivaliga bag’ishlangan tadbirga ayni hunarmandchilikga doir bo’lgan xalq ijodiyoti laparlaridan kuy qo’shiqlarni o’rganishmoqda.

 

Milliy gvardiya bilan ijodiy uchrashuvlar

O’zDSMI Fmfilialida O’zbekiston Respublikasi Milliy gvardiyasi Qo’qon shahar bo’limi harbiylari bilan ijodiy uchrashuvlar tashkil etilgan. Filialning Ashula va raqs yo’nalishi bo’yicha tahsil olayotgan talabalardan Mirzaqulov Jasurbek va Turg’unboev Donyorjon vatanimiz qo’riqchilariga diltortar kuy qo’shiqlaridan ijodiy namunalar ijro etib berishdi.

 

 

Ilmiy kengash jarayoni

O’zDSMI Fmfiliali majlislar zalida filial ilmiy Kengashining 11 – sonli yigi’lishi bo’lib o’tdi. O’zbekiston Respublikasi Prezidenti farmonlari, Vazirlar Mahkamasi qarorlari, O’zbekiston Respublikasi Oliy va o’rta mahsus ta’limi hamda Madaniyat vazirliklari tomonidan chiqqan buyruqlar yuzasidan O’zDSMI Fmfilial direktori dotsent Shamsiddin Usmonov so’zga chiqishdi. 2018 – 2019 o’quv yilining yakuniy masalalari bo’yicha filialning direktor o’rinbosarlari so’zga chiqishib bajarilgan ish rejalar, dars soatlari, yillik davomat, tartib intizom, talabalarning o’zlashtirgan bilim saviyasi, Prezidentimiz tomonidan ko’tarilgan 5 ta muhim tashabbus bo’yicha ot’kazilgan chora – tadbirlar yuzasidan hisobot berishdi. Yig’ilish so’ngida O’zDSMI Fmfilial direktori dotsent Sh. Usmonov yil davomida halol mehnat qilgan, jonkuyarlik ko’rsatgan faol va ilg’or ishchi hodimlarga, murabbiy ustoz o’qituvchilarga minnatdorchilik bildirishdi.

«Munojot» kontsert dasturidan lavhalar

Qo’qon musiqali drama teatrida Qo’qon xalqaro hunarmandchilik festivaliga hamda Yoshlar kuniga bag’ishlangan «Munojot» nomli hayriya kontserti bo’lib o’tdi. Qo’qon musiqali drama teatrida faoliyat yuritayotgan yosh ist’edodli hushovoz honanda Nilufarxon Usmonova o’zining diltortar qo’shiqlari bilan muhlislar tomonidan olqishga sazovor bo’lishdi. O’zbek, Rus, Hind, Frantsuz, Arab, Afg’on va Azarbayjon xalqlarining sara qo’shiqlari jonli ijrolarda ijro etildi. O’zDSMI Fmfiliali maqom yo’nalishi bo’yicha o’qituvchi Azizbek Talaboev, filialning Ashula va raqs yo’nalishi 1- bosqich talabasi Sherzod Qurbonboevlar kontsert dasturidan o’rin olgan qo’shiqlari bilan ishtirok etishdi. Ashula va raqs, Folklor va etnografiya yo’nalishi bo’yicha tahsil olayotgan talabalardan tashkil topgan Bek vokal guruhi har bir qo’shiqlarga jo’rovoz bo’lishdi. O’zDSMI Fmfiliali direktori dotsent Shamsiddin Usmonov ushbu kontsert dasturini badiiy rahbari va sahnalashtiruvchi rejissyori vazifasida jonkuyarlik ko’rsatishdi. Kontsertda O’zDSMI Fmfiliali jamoasi, QDPI jamoasi, TTU FmF jamoasi, Qo’qon shahar 12- mehribonlik uyi tarbiyalanuvchilari, shahrimiz mehmonlari va san’at shaydolari tashrif buyurishdi.

 

«Sahna nutqi» fanidan yakuniy ijodiy imtihon

O’zDSMI Fmfilialida Musiqali teatr aktyorligi yo’nalishi bo’yicha 2- bosqich talabalari «Sahna nutqi» fanidan yakuniy ijodiy imtihon topshirdilar. Imtihonda O’zDSMI Fmfiliali direktori dotsent Shamsiddin Usmonov, O’zbekiston xalq artisti Sh. Rahmatullaeva, O’zbekistonda xizmat ko’rsatgan san’at arbobi K. Yo’ldoshev va boshqa ustoz san’atkorlar ishtirok etishdi.

 

Kitob-bilim manbai

Kitob – bilim manbai. Qaysi soha vakili bo’lmasin, bolalikdan yoshi ulug’ buvijonu – bobosidan eshitgan ertak va hikoyalar, alifbe kitobidan tortib badiiy asarlar, romanlar, she’riy to’plamlarni o’z ichiga olgan ziyo maskani bu albatta kitobligi barchaga ma’lum. O’z DSMI Fmfilialida kitobxonlik savdo yarmarkasi tashkil etilgan. Kitobhonlar yangi nashrga chiqqan ilmiy, badiiy, she’riy to’plamdagi kitoblar bilan shahsiy kutubhonalarini boyitishlari mumkin

 

12- Mehribonlik uyida ijodiy uchrashuv

O’zDSMI Fmfiliali Musiqali teatr aktyorligi yo’nalishi bo’yicha 1- bosqich talabalaridan tashkil topgan ijodiy guruh Qo’qon shahrimizdagi 12- mehribonlik uyida teatrlashtirilgan qiziqarli ko’ngilochar badiiy chiqishlari bilan bolajonlarni hushnud etishdi.

 

Folklor va etnografiyadan yakuniy ijodiy imtihon

O’zDSMI Fmfilialida Folklor va etnografiya yo’nalishi bo’yicha 1-bosqich talabalari o’z mutahassisliklari bo’yicha joriy o’quv yilining so’ngida yakuniy ijodiy imtihon topshirdilar. Imtihon jarayonida aziz ustozlar O’zbekiston xalq artisti Sh. Rahmatullaeva, O’zbekistonda hizmat ko’rsatgan san’at arbobi J.Po’latov, O’zDSMI Fmfiliali direktori dotsent Sh. Usmonov va boshqa san’at arboblari qatnashdilar.