Ўзбекистон давлат санъат ва маданият институтининг Фарғона минтақавий филиали мажлислар залида Ўзбекистон конституциявий тузумининг асосий тамойиллари, конституциянинг моҳияти ва ҳусусиятлари; Ўзбекистон Республикасида шахснинг хуқуқий ҳолати; Ўзбекистон Республикаси конституциявий тузуми борасида сиёсий давра суҳбати ташкилланди. Филиалнинг Ўқув ва тарбиявий ишлар бўйича директор ўринбосари Акмалжон Сатторов ҳамда филиал психологи, Қўқон шаҳар 151- сайлов округи раиси Раҳматжон Қўзибоевлар давра суҳбатини олиб боришди. Улар филиал талабаларига Ўзбекистон Республикасида сайлов ҳуқуқи ва сайлов тизими хусусиятлари, Ўзбекистон Республикасининг давлат тузилиши ва давлат ҳокимияти органларининг конституциявий – хуқуқий асосларни ўрганишни ва уларнинг мазмун моҳияти тўғрисида керакли бўлган сиёсий ҳамда хуқуқий маълумотлар беришди.

 Ўзбекистон давлат санъат ва маданият институтининг Фарғона минтақавий филиалида Ўзбекистон Республикаси Бош вазири томонидан 2019 йил 25 – мартда тасдиқланган (01-07/ 1-40-сонли) чора тадбирлар режасининг 2-бандига мувофиқ Ўзбекистон Ёзувчилар уюшмаси билан биргаликда 19-асрда Хива хонлиги тарихида ўчмас из қолдирган буюк шоир, тарихчи ва таржимон Муҳаммад Ризо Эрниёзбек ўғли Огаҳий (1809-1874) ҳаёти ва ижодига бағишланган адабий тадбир ташкил этилди. Филиалнинг Ахборот ресурс маркази раҳбари, ўзбек тили ва адабиёти ўқитувчиси Икромжон Ҳабибжонов талабаларга Огаҳийнинг ҳаёти ва ижоди, беқиёс асарлари, юксак истеъдод эгаси бўлганлиги, адабий жанрларга ижодий ёндашиб, уларни такомиллаштирганлиги, 7-8-10-12 байтли ғазал ёзиш тартибини 23 байтгача етказганлиги ҳақида қизиқарли маълумотлар берди. Тадбир давомида Огаҳийнинг қаламига мансуб ғазаллардан талаба қизларимиз мисоллар келтиришди. Фолклор ва этнография йўналиши бўйича мутахассис ўқитувчи Ғофиржон Юнусов эса шоирнинг нодир асарларидан машҳур «Феруз» қўшиғини ижро этиб беришди.

Мушкин қошингнинг ҳайъати ул чашми жаллод устина,
Қатлим учун нас келтирур нун элтибон сод устина.

Қилғил томошо қомати, зебоси бирлан оразин,
Гар кўрмасанг гул бўлғонин пайванд шамшод устина.

Нозу адо-ю ғамзаси қасдим қилурлар дам-бадам,
Ваҳ, мунча офатму бўлур бир одамизод устина.

Ман хастаға жон асрамоқ эмди эрур душворким,
Қотил кўзи бедод этар ҳар лаҳза бедод устина.

Ул гул юзи шавқи била шайдо кўнгул шому саҳар,
Булбулдек айлар юз наво минг навъи фарёд устина.

Бошимға ёғғон ғам тоши мингдин бирича бўлмағай,
Гардун агар минг бесутун ёғдурса Фарҳод устина.

Эй шаҳ, карам айлар чоғи тенг тут ямону яхшини –
Ким,меҳр нури тенг тушар вайрону обод устина.

Хоки танинг барбод ўлур охир жаҳонда неча йил,
Сайр эт Сулаймондек агар тахтинг қуруб бод устина.

Не журъат ила Огаҳий очғай оғиз сўз дергаким,
Юз хайли ғам қилмиш ҳужум ул зор ношод устина.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: facebook.com/dsmi.fmf.14
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2uQ

Telegram (http://t.me/uzdsmifmf)
O’zDSMI FMF
O’zDSMI Farg’ona filiali

Қўқон шаҳар ХТБ тасарруфидаги 6 – умумий ўрта таълим мактабида Ўзбекистон давлат санъат ва маданият институтининг Фарғона минтақавий филиали «Театр санъати ва халқ ижодиёти» кафедраси фахрий профессор – ўқитувчилари томонидан маҳорат дарси ( мастер класс) ўтказилди. Ўзбекистон композиторлар ва бастакорлари уюшмаси аъзоси, «Шуҳрат» медали ва «Фидокорона хизматлари учун» орденлари соҳиби Рафиқжон Аҳмедов, «Фолклор ва этнография» йўналиши бўйича мутахассис ўқитувчи Ғофиржон Юнусов ва катта ўқитувчи Азизбек Талабоев ҳамда жўрнавоз созанда Лазизхон Эшматовлар 6 – мактаб ўқувчиларининг мусиқа ва санъат тўғрисидаги билимларини аниқлаш, мусиқий қобилиятларини юксалтириш мақсадида, ўзбек мумтоз санъат дурдонаси ҳисобланган «Шашмақом» ва «Мақом» ибораларининг луғавий маънолари ҳақида тўлиқ маълумотлар беришди. Президентимиз томонидан илгари сурилган 5 та муҳим ташаббус доирасида мактаб ўқувчилари билан савол – жавоблар уюштиришди. Маҳорат дарси (мастер класс) мобайнида устоз санъаткор Рафиқжон Аҳмедов ўзи басталаган «Соғинч» куйини ёш мусиқа шайдоларига ижро этиб берди. Устоз санъаткор Ғофиржон Юнусов эса ўзбек халқ оғзаки ижоди намуналари ҳисобланган лапарлар, ўланлар ва яллалардан мисоллар келтирди. Шунингдек ҳамшаҳаримиз бўлган Ўзбекистон халқ артисти Муроджон Аҳмедовнинг машҳур «Ўртар» қўшиғи устозлар томонидан ижро этилди. Дарс сўнгида 6 – мактаб жамоаси устозларимизга миннатдорчилик билдиришди ва бугунги ижодий учрашувларни доимий давом этишини ўз режаларига киритишди.

Ўзбекистон давлат санъат ва маданият институтининг Фарғона минтақавий филиали Мусиқали театр актёрлиги 2 – босқич талабалари ҳамда филиалнинг вокал фани бўйича мутахассис катта ўқитувчилари Тошпўлатжон Акбаров ва Азизбек Ҳайдаровлар Қўқон шаҳридаги филиалимизга бириктирилган 8 – умумий ўрта таълим мактабида маҳорат дарсини (мастер класс) ўтказишди. Талабалар томонидан ижро этилган куй қўшиқлар юқори синф ўқувчиларига манзур бўлди. Мактаб ўқувчилари филиалимиз фаолияти, мавжуд йўналишлар, ижодий жараён билан учрашув чоғида батафсил маълумотларга эга бўлишди.

Ўзбекистон давлат санъат ва маданият институтининг Фарғона минтақавий филиалида янги очилган «Қўғирчоқ театр актёрлиги» йўналиши бўйича таҳсил олаётган талабаларга мутахассис ўқитувчи Аюбхон Ҳомиджонов раҳбарлик қилиб келмоқда. Талабалар дарс жараёнида ўз қўл меҳнатлари билан турли қўғирчоқлар, эртак қаҳрамонлари акс этган ўйинчоқлар ясашмоқда. Айнан шу қўғирчоқлар иштирокида бир – биридан қизиқарли бўлган саҳна кўринишлари ва қўғирчоқ театри томошаларини ҳам ижро этишмоқда. Ҳозирги лавҳаларимиз айнан шу ҳақида.

2003 йил 21 ноябрда Мексикада БМТ Бош Ассамблеяси томонидан БМТнинг Коррупцияга қарши Конвенцияси имзоланган бўлиб, 9 декабрь – Коррупцияга қарши курашиш халқаро куни деб эълон қилинган.
Ушбу кун 2004 йилдан бошлаб халқаро миқёсида ҳар йили нишонланади.
Ўзбекистон давлат саънат ва маданият институтининг Фарғона минтақавий филиалида таҳсил олаётган Мусиқали театр режиссёрлиги 2 – босқич талабалари Коррупцияга қарши курашиш мақсадида «Келажак қандай бўлади» номли видеоролик тайёрлашди. Эътиборингизга ушбу роликни ҳавола этамиз.

Ўзбекистон давлат санъат ва маданият институтининг Фарғона минтақавий филиали мажлислар залида Ўзбекистон Республикаси Конституциясининг 27 йиллигига бағишланган тадбир ташкил этилди. ЎзДСМИ Фмфилиали директори, доцент Шамсиддин Усмонов барча тадбир иштирокчиларини байрам билан табриклаб, Ўзбекистон ўз мустақиллигини эълон қилган санадан эътиборан дунё саҳнида янги, суверен давлат қарор топганлиги, биринчи Конституциямиз қабул қилинган куни давлатимиз янгидан туғилганлиги, ҳақиқий мустақиллигимизга мустаҳкам пойдевор барпо бўлганлиги тўғрисида нутқ сўзлашди. Шундан сўнг «Ўзбекистон темир йўллари» акциядорлик жамияти тизимидаги корхона, ташкилот ва муаассаларда фаолият юритаётган ёшларнинг китобхонлик маданиятини ошириш мақсадида ташкил этилган «Зукко китобхон – 2019» кўрик танловида фаол иштирок этган Ўзбекистон давлат санъат ва маданият институтининг Фарғона минтақавий филиали Қўғирчоқ театр актёрлиги 1 – босқич талабалари фаҳрий ёрлиқлар билан тақдирланишди. Конституция байрамига бағишланган концерт дастури Ўзбекистон Республикаси Давлат мадҳияси билан бошланди. Филиал талабалари томонидан тайёрланган куй ва қўшиқлар, шеърий мисралар тадбир давомида намойиш этилди.