«Саҳна нутқи» фанидан бадиий сўз тўгараги

  Ўзбекистон давлат санъат ва маданият институтининг Фарғона минтақавий филиалида таҳсил олаётган талабалар учун бир-биридан қизиқарли тўгарак машғулотлар ташкил этилган. Филиалнинг «Театр санъати ва халқ ижодиёти» факельтети кафедра мудири Умидахон Болтабоева ҳам ёш истеъдод эгаларига «Саҳна нутқи» фанидан бадиий сўз тўгараги машғулотларини мунтазам ўтказиб келишмоқда. Талабалар ушбу машғулот давомида тўғри нафас олиш ва чиқариш, эркин ҳаракатланиш, қўл-оёқ, бўйин мушакларини зўриқтирмай ишлата олиш каби бир неча жисмоний ҳамда амалий машқларни катта иштиёқ билан ўзлаштиришмоқда.

Очиқ дарс машғулоти

  Ўзбекистон давлат санъат ва маданият институтининг Фарғона минтақавий филиалида таҳсил олаётган Ашула ва рақс йўналиши 2-босқич талабаларига, республикамизнинг кўплаб кўрик танловларининг ғолиби, истеъдодли хонанда ва созанда, устоз мураббий Азизбек Талабоев томонидан очиқ дарс машғулоти ўтказилди. Очиқ дарсда филиалнинг мутахассис мураббий ўқитувчилари иштирок этишди. Машғулот давомида талабалар Хоразм халқ қўшиқларидан «Садри – Гусванд» асарини ўрганиб, ушбу қўшиқ устида ижодий маҳоратларини оширишди. Дарс сўнгида устоз мураббийлар талабалар томонидан моҳирона ижро этилган қўшиқ ва куйга илиқ фикрлар билдиришди. Ҳозирги фото ва видеолавҳалар очиқ дарс машғулоти жараёнидан тасвирга олинган.

«Даҳолар сув ичган дарёлар»

  Ўзбекистон давлат санъат ва маданият институтининг Фарғона минтақавий филиалида «Олтин қалам» мукофоти совриндори, ўзбек киноси ва театри тарихига улкан ҳисса қўшган бетакрор кинорежиссёр, кинооператор, ёзувчи, ҳамшаҳаримиз Ҳамид Қаҳрамон билан ижодий учрашув бўлиб ўтди.Таниқли кинорежиссёрнинг бир неча йиллик қадрдон дўстлари, мураббийлар, шоир ва ёзувчилар, адиблар ҳамда филиалимиз талабалари кеча давомида Ҳамид Қаҳрамоннинг ижодий фаолиятига бағишланган видеороликни томоша қилишди. Шундан сўнг Ҳамид Қаҳрамон қаламига мансуб «Даҳолар сув ичган дарёлар» номли муаллифлик китоби билан яқиндан танишилди. Китобда буюк ёзувчилар ва шоирлар, ўзбек кино ва театрининг даҳолари ҳақида сиз билган-билмаган ҳаётий воқеалар тасвирлаб берилган. 81 ёшни қарши олган буюк истеъдод эгаси Ҳамид Қаҳрамон филиалимизга китобларини тақдим этишар экан, ўзларининг шахсий олтин фондларида сақланиб келаётган ўзбек кино ва театрининг даҳолари ҳисобланган Шукур Бурхонов, Наби Раҳимов, Аббос Бакиров ва бошқа буюк актёрлар иштирокида шахсан тасвирга олинган спектаклларнинг кинотасмасини тақдим этаман дея ваъда беришди. Учрашув чоғида филиал талабалари ўзларини қизиқтирган саволларга бугунги қаҳрамонимиздан тўлиқ жавобларга эга бўлишди. Биз шу фурсатдан фойдаланиб камтар ва оддий инсон, ўзбек кино саънатига катта ҳисса қўшиб келаётган кинорежиссёр Ҳамид Қаҳрамонга узоқ умр, соғлик – омонлик, иш йўлларига янада ривожлар тилаб қоламиз.

«Маърифат ва диний бағрикенглик»

  Ўзбекистон давлат санъат ва маданият институтининг Фарғона минтақавий филиалида «Маърифат ва диний бағрикенглик» мавзуси остида давра суҳбати ташкил этилди. Қўқон шаҳар бош имом хатиби Абдумажид қори Исоқов филиал талабаларига юртимизда кечаётган ижтимоий-сиёсий жараёнларга диний тус бериш, сохта ғояларни асл диний қадриятлар сифатида талқин қилиш ва аҳоли орасида носоғлом ақидани сингдириш ҳолатлари кузатилаётганлиги ҳақида бир неча мисоллар келтиришди. Диний-маърифий соҳани янада такомиллаштириш, жамиятда «жаҳолатга қарши-маърифат» деган улуғвор ғоя асосида диннинг инсонпарварлик, эзгулик ва тинчлик каби фазилатларини ҳамда диний бағрикенглик руҳини кенг тарғиб қилиш, ҳар ҳил бузғунчилик ва ёт ғояларга кириб кетмаслик, одоб-аҳлоқ доирасида бўлиш, бебаҳо неъмат бўлган тинчликнинг қадрига етиш каби илмий-маърифий мулоҳазалар юритишди. Шундан сўнг Ўзбекистон Республикаси Президентининг 12.09.2019 йилдаги ПҚ 4447-сонли қарорига асосан ўсиб келаётган ёш авлодимизни ҳарбий ватанпарварлик руҳида тарбиялаш мақсадида ва ушбу қарорнинг мазмун-моҳиятини тушунтириш ҳамда тарғибот этиш учун Қўқон шаҳар 42090 ҳарбий қисмидан Н. Қаршиев, З. Нурқулов ва бошқа ҳарбий офицерлар филиалимизга ташриф буюришди. Учрашув давомида филиалимиз талабаларига «Ватанга қасамёд» матнини ўқиб эшиттиришди. Ҳарбийлар 1-ойлик ва 1-йиллик муддат ичидаги йигитлик бурчини ўтаётган аскарларнинг ўзлаштираётган ҳарбий машғулотлари ва бошқа хизмат турлари бўйича қизиқарли маълумотлар бериб ўтишди.

«Талабалар турар жойлари» номли очиқ мулоқот

   Ўзбекистон давлат санъат ва маданият институтининг Фарғона минтақавий филиали мажлислар залида «Талабалар турар жойлари» мавзуси остида очиқ мулоқот ташкил этилди. Талабаларнинг яшаш жойларидан олисда хусусий хонадонларда, турли тоифадаги фуқаролар уйида, назоратсиз яшаши ва зарур шарт-шароит ҳамда ҳавфсизлик талабларига жавоб бермайдиган уйларда истиқомат қилиши турли ижтимоий-маиший ҳавф-ҳатарларни келтириб чиқармоқда. Қўқон шаҳар ИИБ бўлимидан майор Д. Эргашев, катта лейтенант Б. Шерматов, Қўқон шаҳар паспорт бўлими ходими З. Мавлонов ҳамда Қўқон шаҳар Давлат солиқ инспекцияси инспектори Д. Тожиназаровлар филиалимизда таҳсил олаётган, ижарада яшовчи талабаларнинг яшаш ва ўқишига кўмаклашиш, уларга имкон қадар зарур шарт-шароит яратиб бериш, турли салбий ғояларнинг таъсиридан огоҳ этиш, ижарада яшовчи талабаларнинг вақтинча маҳалла рўйҳатидан ўтказилиши (прописка), яшаш худудининг маҳалла фуқаролар йиғини раиси ва участка нозирини рўйҳатидан доимий ўтиши кераклиги, уйни ижарага берган уй эгасининг шаҳси ва ижара нарҳи(асоссиз ижара шартномаларининг талаб қилиниши) билан боғлиқ бир неча ҳуқуқий маълумотлар ва маслаҳатлар беришди. Мулоқот давомида филиал талабалари ўзларини қизиқтирган саволларга тўлиқ жавоблар олишди.

Маҳорат дарслари давом этмоқда

  Ўзбекистон давлат санъат ва маданият институтининг Фарғона минтақавий филиалида Мусиқали театр актёрлиги йўналиши 2-босқич гуруҳ талабалари Ўзбекистонда хизмат кўрсатган ёшлар мураббийи Мунаввара Абдуллаева билан биргаликда маҳорат дарсини ўтказишди. Талабалар диалог, монолог, этюд ва ҳар ҳил спектакллардан айрим саҳна кўринишларини намойиш этишди. Маҳорат дарси мобайнида ёшлар мураббийи Мунаввара опа талабаларнинг ютуқ ва камчиликларини кузатиб, уларга керакли малакавий маслаҳатлар беришди.

Маҳорат дарсида

 Ўзбекистон давлат санъат ва маданият институтининг Фарғона минтақавий филиалида талабалар учун маҳорат дарслари ўтилмоқда. ЎзДСМИ нинг саҳна нутқи кафедра мудири в.б профессор Маҳсума Хаджиметова филиалимизнинг Мусиқали театр актёрлиги ва Қўғирчоқ театри актёрлиги йўналиши бўйича 1-босқич талабаларига саҳнада эркин ҳаракатланиш, тана мувозанатини, бўйин ва мушакларни ҳотиржам тутиш каби бир неча жисмоний ҳамда амалий машқларни ўргатишмоқда.

Саҳна нутқи фанидан маҳорат дарси ўтказилди

  Ўзбекистон давлат санъат ва маданият институтининг Фарғона минтақавий филиалида талабалар учун маҳорат дарсларини таниқли профессор-ўқитувчилар, мутахассис мураббийлар томонидан ўтказиш кенг йўлга қўйилган. Ўзбекистон давлат санъат ва маданият институтининг саҳна нутқи кафедраси мудири, в.б профессор Маҳсума Хаджиметова филиалимизнинг Мусиқали театр актёрлиги йўналиши 2-босқич талабалари билан биргаликда «Саҳна нутқи» фани бўйича маҳорат дарсини ўтказишди. Кўп йиллик тажрибага эга мутахассис ўқитувчи талабаларга нутқни текис ва равон баён этиш, оддий сўз орқали тингловчини мафтун этиш ёки аксинча нафрат уйғотиш сирларини, бир сўз ёки жумлага ҳар ҳил урғу қўйиш орқали маъно жиҳатидан шу сўзнинг турли ўзгаришларга сабаб бўлишини изоҳлаб беришди. Талабалар маҳорат дарси мобайнида ўзларига керакли маълумотлар ва сабоқларни олишди.

Талабаликка бағишлов

  Қўқон мусиқали драма театрида «Жонажон Ўзбекистоним, мангу бўл омон» шиори остида «Талабаликка бағишлов» номли тадбир бўлиб ўтди. Ўзбекистон давлат санъат ва маданият институтининг Фарғона минтақавий филиали талабалари, профессор-ўқитувчилар, устоз мураббийлар ва талабаларнинг ота-оналари тадбирда иштирок этишди. Мусиқали театр актёрлиги, Мусиқали театр режиссёрлиги, Қўғирчоқ театри актёрлиги, Ашула ва рақс, Фолклор ва этнография, Кутубхона-ахборот фаолияти йўналишлари бўйича 1-босқич талабалари ўзларининг соҳаларига ҳос бадиий мусиқали саҳна кўринишларини томошабинларга баҳшида этишди. Шундан сўнг ҳар бир гуруҳларни тақдирлаш маросими ўтказилди. Ўзбекистонда хизмат кўрсатган ёшлар мураббийи Мунаввара Абдуллаева, Ўзбекистон композиторлар ва бастакорлари уюшмаси аъзоси «Шуҳрат» медали, «Фидокорона хизматлари учун» орденлари соҳиби Рафиқжон Аҳмедов, Ўзбекистонда хизмат кўрсатган артист, аския санъатининг дарғаси Жўрахон Пўлатов, Қўқон мусиқали драма театри директори Азизхон Аҳмедов, ЎзДСМИ Фмфилиали ўқув ва тарбиявий ишлар бўйича директор ўринбосари Акмалжон Сатторов, филиалнинг «Театр санъати ва халқ ижодиёти» кафедраси мудири Умидахон Болтабоева ҳамда мураббий мутахассис ўқитувчи Равшанжон Деҳқоновлар давлат бюджети асосида биринчилар қатори ўқишга кирган талабаларга «Фаҳрий ёрлиқ»лар ва уларнинг ота-оналарига ташаккурномалар топширишди. Тадбир давомида талабаларнинг ота-оналари, мураббий устозлар сўзга чиқишиб, ўзларининг табрик сўзлари билан талабаларни қувончларига янада қувонч қўшишди. Тадбир сўнгида барча 1-босқич талабалари биргаликда талабалик «Қасамёд»ини тантанали равишда қабул этишди. Бугунги ташкил этилган бадиий, мусиқий тадбир барча йиғилганларга аъло кайфият бахш этди.

«Мақом кечаси»

  Ўзбекистон давлат санъат ва маданият институтининг Фарғона минтақавий филиалида таҳсил олаётган ижодкор талабалар ўзбек классик қўшиқларини, мақом ва эстрада йўналишидаги барча қўшиқларни катта иштиёқ билан ўзлаштиришмоқда. Айниқса мақом йўналишидаги қўшиқларга катта эътибор қаратилган. Устоз санъаткорлар, мураббий ўқитувчилар ёрдамида ўзбек халқ мақомчилик санъатининг нодир дурдоналари саналмиш «Шашмақом» нинг «Бузрук», «Рост», «Наво», «Дугоҳ», «Сегоҳ», «Ироқ» бўлимлари ва бошқа бир неча катта мумтоз асарларни моҳирона ўрганишмоқда. Қўқон шаҳримизнинг мусиқали драма театрида ўтказилган «Мақом кечаси» концерт дастури Фарғона телерадикомпанияси ижодкорлари томонидан тасвирга олинган. Ҳозир эътиборингизга ушбу концерт дастуридан тайёрланган маҳсус кўрсатувни ҳавола этамиз.