O’zDSMI FMFiliali 2 yoshda

O’zDSMI Fmfilialida bugun quvonchli shodiyona. Muhtaram Prezidentimiz Shavkat Miromonovich Mirziyoyevning «O’zbekiston Davlat San’at va Madaniyat institutining Farg’ona mintaqaviy filialini tashkil etish to’g’risida»gi PQ-3218- sonli qarori bilan aynan Qo’qon shahrimizda Farg’ona vodiysida yagona hisoblangan O’zDSMI Fmfiliali o’z faoliyatini boshlagan kunga ikki yil to’ldi. Andijon, Namangan, Farg’ona viloyatlaridan iqtidorli, qobiliyatli, ist’edodli san’atsevar talabalar filialiamizda tahsil olishmoqda. Ikki yil mobaynida yo’nalishlarimiz kengaydi, imkoniyatlarimiz oshyabdi, safimiz yanada ko’paymoqda. Shu o’rinda o’z jonkuyarligi, halolligi, to’g’riso’zligi bilan hurmatga sazovor bo’lgan, ahil jamoani boshqarib kelayotgan O’zDSMi Fmfiliali direktori, dotsent Shamsiddin Usmonovni va barcha jamoa a’zolarini, ustoz murabbiylarni, bilimga chanqoq talabalarimizni ikki yoshli tavallud kunlari bilan tabriklab qolamiz. O’zDSMI Fmfiliali matbuot kotibi Ilhomjon Hasanov.

Xalqaro hunarmandchilik festivaliga tayyorgarlik

O’zDSMI Fmfilialida Musiqali teatr aktyorligi, Musiqali teatr rejissyorligi, Ashula va raqs, Folklor va etnografiya yo’nalishlari bo’yicha tahsil olayotgan talabalardan tashkil topgan ijodiy guruh Qo’qon shahrimizda o’tkaziladigan Xalqaro hunarmandchilik festivaliga bag’ishlangan tadbirga ko’tarinki ruhda tayyorgarlik ko’rishmoqda. Hunarmandchilik kasblariga oid xalq og’zaki ijodi terma laparlaridan tashkil topgan kuy qo’shiqlarni jonli va teatrlashtirilgan tarzda ijro etishmoqda.

 

«Qo’qon teatri: kecha, bugun, ertaga»

Халқаро ҳунармандчилик фестивали тобора яқинлашяпти. Қўқон мусиқали драма театри жамоаси олдида ҳам фестивални юқори савияда ўтказиш борасида масъулиятли вазифалар турибди. Худоёрхон ўрдаси, Дастурхончи мадрасаси ва бошқа тарихий обидаларда меҳмонларни муносиб кутиб олиш, уларга саҳна кўринишлари орқали ҳунармандчилигимиз ва шаҳримиз тарихи ҳақида маълумотлар бериб бориш театр актёрларидан катта тайёргарлик талаб этади.

Театр директори Азизхон Аҳмедов раҳбарлигидаги жамоа томонидан фестивалда ижро этиш учун мазмунан мос келадиган саҳна кўринишлари тайёрланяпти. Қўқон хони Худоёрхон даврида ҳунармандларга қандай эътибор кўрсатилганлиги акс этган тарихий спектакль саҳналаштирилди. Режиссёр Дилшод Аҳмадалиев шаҳримиз тарихига оид китоблардаги маълумотларга таяниб, турли тарихий даврларга оид саҳна кўринишлари тайёрлаш устида ишлаяпти.

Фестивалга ва янги мавсумга тайёргарлик ишларини режалаштириш мақсадида “Қўқон театри: кеча, бугун, эртага” мавзуида илмий-амалий семинар ҳам ўтказилди. Анжуманда театр ижодий жамоаси, шаҳар зиёлилари иштирок этдилар.

Театр директори Азизхон Аҳмедов республикамизда Давлатимиз раҳбари томонидан театр санъатини ривожлантиришга берилаётган катта эътиборга жавобан соҳада меҳнат қилаётган ҳар бир ходим ҳам ўз вазифасига масъулият билан ёндашиши кераклигини таъкидлади. 5 та муҳим ташаббус бўйича театр жамоаси томонидан шаҳримиз ва атроф туманларда ибратли ишлар қилингани, 7 та мактабда ёш томошабинлар театри ташкил этилганлиги ва бошқа ибратли ишларга тўхталди.

Ўзбекистон халқ артисти Шафоатхон Раҳматуллаева театр репертуарини янада яхшилаш, томошабоп асарларни саҳнага олиб чиқиб, театрга томошабинни қайтариш, Халқаро фестивални ҳамжиҳатликда ўтказиш борасида ўз таклифларини берди.

Республикада хизмат кўрсатган маданият ходими, режиссёр ва драматург Азимжон Азизов ва Жўрахон Пўлатовлар ёш актёрларнинг билим савиясини ошириш, “Устоз ва шогирд” анъанасини қайтадан тиклаш зарурлигини билдирди.

Ўзбекистон давлат санъат ва маданият институти Фарғона минтақавий филиали директори Шамсиддин Усмонов Президентимиз Қўқон мусиқали драма театрига ташриф буюриб, театрнинг ютуқ ва муаммолари билан танишгач, шаҳарда маданият ва санъат ходимларини тайёрлашга ихтисослашган институт очилгани, бу ўрта маълумотли театр актёрларига ўқиш учун яхши имконият эканини таъкидлади. Актёр ва актрисаларга олий маълумот олиш учун ўзи раҳбарлик қилаётган ўқув даргоҳида яратилган шарт-шароитлар ҳақида гапирди. Эндиликда институт ҳудуди кенгайиб (Туризм ва сервис коллежи бинолари олийгоҳга берилди), келгусида сиртқи ўқитиш йўналишлари ҳам очилиши ҳақида маълумот берди.

Ш. Усмонов ўз сўзида театрнинг буюк тарихи, яъни кечаси, бугуни ва эртаси ҳақида ҳам сўзлади. Тарихий йилларда театрларда ишлаш учун шароит бўлмаганлиги, совуқ кунларда юпун кийимларда роль ижро этилиб, неча-неча актёрлар оёғидан айрилгани, белини совуққа олдиргани, ҳаттоки совуқ, захлик туфайли юздаги гримни ювишдан ҳам қўрқишгани ҳақида гапириб ўтди. Қўқон мусиқали драма театри барча талабларга жавоб берадиган тарзда қурилгани, бугун ижодкорларга бу масканда муносиб шарт-шароит борлигини эътироф этди. Театрни янада жонлантириш бўйича ўз таклифларини билдирди.

Адабий эмакдош Абдулатиф Турдиалиев театр репертуарини шакллантириш борасидаги камчиликларга тўхталиб, уларни бартараф этиш йўллари ҳақида фикрларини айтди. Ёзувчи Носир Зоҳид 50 йиллар аввал томошабин кўплигидан театрга одам сиғмаганлиги, саҳнада иккита актёр соатлаб гаплашиб ўтирса ҳам одамлар саҳнадан кўз узмай, эринмай эшитиб ўтиришларини эслади. Эндиликда томошабинларнинг дунёқараши, талаби ўзгачалиги, шунга яраша театрда ҳам ўзгариш ясаш кераклигини таъкидлади.

Ёш ижодкорлар театрга мусиқа усталари – пианино ва бошқа мусиқа асбобларини маҳоратли чалувчиларни жалб қилган ҳолда мусиқали саҳна кўринишлари қўйиш кераклиги ҳақида таклифлар бердилар.

Театр директори Азизхон Аҳмедов театрда фестиваль муносабати билан таъмирлаш ишлари олиб борилаётгани, актёрларнинг кийимлари янгилангани, тарихий кийимлар ҳам босқичма-босқич янгиланиши, тажрибали мусиқачилар ишга таклиф этилишини билдирди. Анжуманни якунлар экан, эркин ва самарали ўтганлигини таъкидлади.

Маълумот ўрнида: Қўқон театрни республикадаги тўнғич театр. 1915 йилда ўзбек миллий театри асосчилари – Ўзбекистон Халқ ёзувчиси Ҳамза Ҳакимзода Ниёзий ва Ўзбекистон халқ артисти Миршоҳид Мироқилов томонидан ташкил этилган.

Xalqaro hunarmandchilik festivaliga tayyorgarlik

O’zDSMI Fmfiliali Ashula va raqs, Folklor va etnografiya yo’nalishlari bo’yicha tahsil olayotgan talabalardan tashkil topgan ijodiy guruh ustozlar yordamida Qo’qon shahrimizda o’tkaziladigan Xalqaro hunarmandchilik festivaliga bag’ishlangan tadbirga ayni hunarmandchilikga doir bo’lgan xalq ijodiyoti laparlaridan kuy qo’shiqlarni o’rganishmoqda.

 

Milliy gvardiya bilan ijodiy uchrashuvlar

O’zDSMI Fmfilialida O’zbekiston Respublikasi Milliy gvardiyasi Qo’qon shahar bo’limi harbiylari bilan ijodiy uchrashuvlar tashkil etilgan. Filialning Ashula va raqs yo’nalishi bo’yicha tahsil olayotgan talabalardan Mirzaqulov Jasurbek va Turg’unboev Donyorjon vatanimiz qo’riqchilariga diltortar kuy qo’shiqlaridan ijodiy namunalar ijro etib berishdi.

 

 

«Sevimli» telekanali bizning mehmonimiz

O’zDSMI Fmfilialiga O’zbekiston Teleradiokompaniyasining » Sevimli » telekanali ijodkorlari tashrif buyurishdi. Ular filialimiz bilan, o’tkazilayotgan ijodiy imtihonlar bilan yaqindan tanishib O’zbekiston xalq artisti, O’zDSMI Fmfiliali fahriy professori, ustoz san’atkor Shafoathon Rahmatullaeva bilan suhbat o’tkazishdi. Ushbu tayyorlangan ko’rsatuvni tez kunlarda » Sevimli » telekanali orqali ko’rishingiz mumkin.

5- Muhim tashabbus amalda

O’zbekiston Respublikasi Prezidenti Shavkat Mirziyoyevning 5 – muhim tashabbuslari biz uchun har jabhada dasturul amal vazifasini o’tab kelmoqda. 2019 yil 29 – iyul kuni O’zbekiston Milliy gvardiyasi Qo’qon shahar bo’limi shaxsiy tarkibi ishtirokida O’zDSMI Fmfilialida kompyuter savodxonligi hamda kitob mutolaasi va uning kishi ma’naviyatida tutgan o’rni xususida davra suhbat amalga oshirildi, amaliy mashg’ulotlar olib borildi. Unda ARM rahbari Ikromjon Habibjonov shartnoma asosida xizmat qilayotgan harbiylarga kitob mutolaasi, uning inson ma’naviy kamolotidagi beqiyos o’rni haqida so’zlab o’tdi. Filialning matbuot kotibi Ilhomjon Hasanov esa bugungi kundagi butun dunyoni qamrab olgan o’rgimchak to’ri – internet va uning insonlar ongiga salbiy ta’siri haqida fikr – mulohazalar bildirdi. Abduaziz Parpiyev esa harbiy xizmatchilarga kompyuter savodxonligi yuzasidan o’zining ko’rsatmalarini berdi.

Ijodiy imtihonlar jarayoni

O’zDSMI Fmfilialida 1. Musiqali teatr aktyorligi. 2. Musiqali teatr rejissyorligi. 3. Qo’g’irchoq teatri aktyorligi. 4. Ashula va raqs. 5. Folklor va etnografiya yo’nalishlari bo’yicha hujjat topshirgan abituriyentlarlar uchun ijodiy imtihonlar boshlandi. Abituriyentlarlarning ota – onalari ijodiy imtihon jarayonini jonli tarzda kuzatib borishmoqda.

Ijodiy imtihonlar FTV va Bog’dod televideniyasi orqali tasvirga olindi

O’zDSMI Fmfilialiga Farg’ona Davlat Teleradiokompaniyasi va Tohir – Bog’dod televideniyasining ijodiy guruhi tashrif buyurishdi. Filialiamizda ijodiy imtihonlar jarayoni qay tarzda o’tkazilayotganligi bilan yaqindan tanishib chiqishdi va mahsus ko’satuv tayyorlashdi. Tez kunlarda ushbu tayyorlangan ko’rsatuvni oynai – jahon orqali ko’rishingiz mumkin.

Abituriyentlar uchun konsultatsiya mashg’ulotlari

O’zbekiston davlat san’at va madaniyat institutining Farg’ona mintaqaviy filialida Musiqali teatr aktyorligi, Musiqali teatr rejissyorligi, Qo’g’irchoq teatri aktyorligi, Ashula va raqs, Folklor va etnografiya yo’nalishlariga 2019/2020 o’quv yili uchun xujjat topshirgan abiturientlarlar etiboriga filial professor-o’qituvchilari tomonidan ijodiy kirish imtixonlar bo’yicha konsultativ maslahatlar berish tashkil etildi. Abituriyentlarlar o’zlarini qiziqtirgan savollariga bevosita javoblar olishlari mumkin.

Qabul 2019 Qabul 2019

Qabul 2019 Qabul 2019

Qabul 2019 Qabul 2019

Qabul 2019 Qabul 2019