«Юртим байроғи» шиори остида «Мақом кечаси» кўрик танлови

Ўзбекистон Республикаси Президентининг 2017 йил 17 – ноябрдаги «Ўзбек миллий мақом санъатини янада ривожлантириш чора – тадбирлари тўғрисида»ги ПҚ – 3391-сон қарорида белгиланган вазифалар ижросини таъминлаш ҳамда мақом санъатини янада ривожлантириш мақсадида Фарғона вилояти Мақом маркази, Қўқон шаҳар хокимлиги, шунингдек Ўзбекистон давлат санъат ва маданият институтининг Фарғона минтақавий филиали ҳамкорлигида Қўқон мусиқали драма театрида 2019 йил 29 – декабрь куни «Юртим байроғи» шиори остида «Мақом кечаси» кўрик танлови ташкил этилди. Фарғона вилояти, Қўқон шаҳар ва атроф туманлардан ташриф буюрган мақом йўналишида ижод қилиб келаётган бир неча иштирокчилар танловда қатнашдилар. Улар ижросида «Фарғона тонг отгунча», «Дугоҳ», «Муножот», Қўқон ушшоғи», «Фиғон», «Найлайин» ва Рост мақомидан «Сафти калон талқинчаси» каби ўлмас нодир асарлар моҳирона ижро қилинди. Ўзбекистон давлат санъат ва маданият институтининг Фарғона минтақавий филиали «Театр санъати ва халқ ижодиёти» кафедраси катта ўқитувчиси Азизбек Талабоев ҳамда «Ашула ва рақс» йўналиши 2 – босқич талабаларидан ташкил топган «Дилхуш» ашулачилар ансамбли кўрик танловда қатнашиб муносиб юқори ўринни эгаллашди. Танлов сўнгида ҳакамлар ҳайъати аъзолари бугунги «Мақом кечаси» кўрик танлови ғолибларига 1-2-3- даражали диплом, фахрий ёрлиқлар ва махсус эсдалик совғаларини тақдим этишди. Бугунги кечага жонбозлик кўрсатган, кўрик танловни ташкил этган Ўзбекистон давлат санъат ва маданият институтининг Фарғона минтақавий филиали директори, доцент Шамсиддин Усмонов одилона баҳо берган ҳакамлар ҳайъати аъзоларига катта миннатдорчилик билдириб уларга «Ташаккурнома»лар топширишди. Асрлар оша ханузгача давом этиб келаётган ўзбек мумтоз мақомчилик санъатининг давомчиларига устозлар йўлини беришини яратгандан тилаб қоламиз.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: Dsmi Fmf
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2uQ

Сайлов 2019

22-декабр – Ўзбекистон Республикаси Олий мажлиси қонунчилик палатаси депутатлари ва маҳаллий кенгашлар депутатлари сайлови куни.
Ўзбекистон давлат санъат ва маданият институтининг Фарғона минтақавий филиали биносида Қўқон шаҳар 151 – сайлов участкаси жойлашган. Олий мажлис қонунчилик палатаси халқ депутатлари, вилоят ва шаҳар кенгашлари депутатлигига сайловчилар томонидан овоз бериш аъло ва юқори кайфият билан бошланди. Дастлаб Ўзбекистон Республикаси Давлат мадҳияси янгради, шундан сўнг 151 – сайлов участкаси раиси ЎзДСМИ Фмфилиали психологи Раҳматжон Қўзибоев сайловга овоз бериш жараёнини очиқ деб эълон қилди. Қўқон шаҳар 63 – МФЙ фуқаролари ўзлари танлаган ва ишонган муносиб номзодларига овоз бериш учун 151 – сайлов участкасига бирин кетин ташриф буюришмоқда. Сайлов жараёнига керакли бўлган барча шарт – шароитлар мавжуд. Сайловчиларга яхши кайфият улашиш учун Ўзбекистон давлат санъат ва маданият институтининг Фарғона минтақавий филиали «Театр санъати ва халқ ижодиёти» кафедрасининг устоз санъаткор ўқитувчилари ўзбек миллий куй – қўшиқларидан намуналар ижро этишмоқда.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: Dsmi Fmf
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2uQ

«Жонажон Ўзбекистоним мангу бўл омон!»

Ўзбекистон давлат санъат ва маданият институтининг Фарғона минтақавий филиали «Театр санъати ва халқ ижодиёти» кафедраси «Фольклор ва этнография» йўналиши 1 – 2 – босқич талабалари кузги семестр якуни бўйича «Жонажон Ўзбекистоним мангу бўл омон!» деб номланган имтихон концерт дастурини намойиш этдилар. Талабалар имтихон жараёнида ўзбек халқ оғзаки ижоди намуналаридан «Алла» ўзбек халқ алласи, «Фарғона рубоийси», «Оқ теракми – кўк терак», «Тул бобо», «Ўзбек халқ ўланлари», «Боғингизда олича», «Хоразм термалари» билан бир қаторда «Аския» жанрига оид пайровларни ҳам моҳирона ижро этишди. Бугунги имтихонда ЎзДСМИ Фмфилиали директори, доцент Шамсиддин Усмонов, Ўзбекистонда хизмат кўрсатган артист Жўрахон Пўлатов, Ўзбекистон композиторлар ва бастакорлари уюшмаси аъзоси, «Шухрат» медали ва «Фидокорона меҳнатлари учун» орденлари соҳиби Рафиқжон Аҳмедов ҳамда мутахассис санъаткор ўқитувчилар жамоаси иштирок этишди.

Филиал талабалари мактаб ўқувчилари билан

Ўзбекистон давлат санъат ва маданият институтининг Фарғона минтақавий филиали Мусиқали театр актёрлиги 2 – босқич талабалари ҳамда филиалнинг вокал фани бўйича мутахассис катта ўқитувчилари Тошпўлатжон Акбаров ва Азизбек Ҳайдаровлар Қўқон шаҳридаги филиалимизга бириктирилган 8 – умумий ўрта таълим мактабида маҳорат дарсини (мастер класс) ўтказишди. Талабалар томонидан ижро этилган куй қўшиқлар юқори синф ўқувчиларига манзур бўлди. Мактаб ўқувчилари филиалимиз фаолияти, мавжуд йўналишлар, ижодий жараён билан учрашув чоғида батафсил маълумотларга эга бўлишди

«Гиёҳвандлик – аср вабоси»

Ўзбекистон Давлат Санъат ва Маданият институтининг Фарғона минтақавий филиали мажлислар залида Олий ва ўрта махсус таълим вазирлиги ҳамда Ўзбекистон ёшлар иттифоқи Марказий Кенгаши томонидан тасдиқланган «Олий ва ўрта махсус таълим вазирлиги тизимида 2019 йилда ёшларга оид давлат сиёсатини амалга ошириш бўйича чора – тадбирлар дастури»нинг 32 – бандида белгиланган вазифалар ижросини таъминлаш мақсадида Ички ишлар вазирлиги ва вилоят бошқармалари, Ўзбекистон Республикаси Вазирлар Маҳкамаси ҳузуридаги Наркотик моддаларни назорат қилиш миллий аҳборот – таҳлил маркази, Ўзбекистон ёшлар иттифоқи вакиллари ҳамда вилоят ва шаҳар наркология диспансерлари билан ҳамкорликда «Ёшлар орасида гиёҳвандлик воситаларининг тарқалишига қарши кураш» ва «Гиёҳвандлик – аср вабоси, ундан ёшларимизни асрайлик!» мавзулари остида давра суҳбати ташкилланди. Фарғона вилояти Қўқон шаҳар 2 – Наркология диспансери наркологи Илҳомжон Сатторов филиалимизга ташриф буюриб, профессор – ўқитувчилар ва талабаларга аҳоли ўртасида соғлом турмуш тарзини шакллантириш, тиббий маданиятни ошириш ва юқумли бўлмаган касалликларни олдини олиш борасида қизиқарли ва фойдали маслаҳатлар берди. Давра суҳбати давомида савол ва жавоблар ўтказилди.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: Dsmi Fmf
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2uQ

Маҳорат дарслари мактабларда ўтказилмоқда

Қўқон шаҳар 4 – умумий ўрта таълим мактабида Ўзбекистон давлат санъат ва маданият институтининг Фарғона минтақавий филиали «Театр санъати ва халқ ижодиёти» факельтети ўқитувчилари, Ўзбекистон композиторлар ва бастакорлари уюшмаси аъзоси «Шуҳрат» медали ва «Фидокорона хизматлари учун» орденлари соҳиби устоз санъаткор Рафиқжон Аҳмедов ҳамда фолклор ва этнография йўналиши ўқитувчиси Ғофиржон Юнусовлар мусиқа фани бўйича маҳорат дарси ўтказишди. Дарс мобайнида филиалимиз фаолияти, мавжуд бўлган йўналишлар ва ижодий жараён билан тўлиқ таништирилди. Сўнгра мактаб ўқувчиларига Заҳириддин Муҳаммад Бобур ғазали билан Рост мақомидан «Соқиномаи Савтикалон» ашуласи ўргатилди ва ўқувчилар билан биргаликда ижро этилди. Ўзбекистон халқ артисти Раҳимахон Мазоҳидова ижро этган фолклор ва этнография туркумидан лапарлар ва яллалардан намуналар келтирилди. Шу билан биргаликда «Соғинч» куйи ва «Ўртар» қўшиғи устоз санъаткорлар томонидан янгради. Бугунги ижодий учрашув ва маҳорат дарси мактаб ўқувчиларида катта таассурот қолдирди.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: facebook.com/dsmi.fmf.14
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2uQ

Мактаблар билан ҳамкорлик ўрнатилди

Ўзбекистон давлат санъат ва маданият институтининг Фарғона минтақавий филиалида Ўзбекистон Республикаси Президенти Администрациясининг 2019 йил 20 – ноябрдаги 08 – 4179 – сон топшириқ хати асосида юборилган мажлис баёни ижросини таъминлаш мақсадида Фарғона вилояти Қўқон шаҳридаги 6-7-8-9-10- умумтаълим мактаблари билан ҳамкорлик йўлга қўйилди. Ўзбекистон давлат санъат ва маданият институтининг Фарғона минтақавий филиали Ёшлар билан ишлаш, маънавият ва маърифат бўлим бошлиғи Дилмуроджон Мадолимов ҳамда Ёшлар иттифоқи БТ кенгаши етакчиси Икромжон Ҳабибжонов юқоридаги мактабларга ташриф буюришди. Улар мактаб раҳбарлари билан учрашиб, тузилган режага мувофиқ ўқувчи ёшлар учун асосий фанлар бўйича маҳорат дарслари ўтказиш, Олий таълим муассасаларига мактаб битирувчи ўқувчиларини тайёрлаш ва улар учун керакли шарт – шароитлар яратиш мақсадида турли танловлар ўтказиш, «Очиқ эшиклар куни» тадбирларини ташкиллаш, 5 та муҳим ташаббус доирасида ишлар натижадорлигини таъминлашга кўмаклашиш борасида ҳамкорликни келишиб олишди.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: facebook.com/dsmi.fmf.14
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2uQ

Мактаблар билан ҳамкорлик

Ўзбекистон давлат санъат ва маданият институтининг Фарғона минтақавий филиалида Ўзбекистон Республикаси Президенти Администрациясининг 2019 йил 20 – ноябрдаги 08 – 4179 – сон топшириқ хати асосида юборилган мажлис баёни ижросини таъминлаш мақсадида Фарғона вилояти Қўқон шаҳридаги умумтаълим мактабларида олиб бориладиган чора – тадбирлар режаси ишлаб чиқилди. ЎзДСМИ Фмфилиали директори, доцент Шамсиддин Усмонов Қўқон шаҳридаги филиалимизга бириктирилган 6-7-8-9-10- мактаблар билан ҳамкорликни йўлга қўйиш, ишчи гуруҳ ташкил этиш, уларга филиалимиз фаолияти, йўналишларимиз тўғрисида тўлиқ маълумотлар бериш ҳамда умумтаълим мактабларда филиал профессор – ўқитувчилари томонидан маҳорат дарсларини ташкил этиш, мактаб ўқувчилари учун тайёрлов курсларини ташкил этиш, иқтидорли ўқувчиларни саралаб олиш, «Очиқ эшиклар куни» тадбирини ўтказиш, мактабларда олиб борилаётган 5 та муҳим ташаббус доирасидаги ишлар натижадорлигини таъминлашга кўмаклашиш каби бир қатор вазифа ва топшириқларни мутасаддиларга топширишди.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: Dsmi Fmf
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2u

Ижодий учрашув

Ўзбекистон давлат санъат ва маданият институтининг Фарғона минтақавий филиалида элимиз ардоғидаги машҳур санъаткорлар билан ижодий учрашувлар ўтказиш кенг йўлга қўйилган. Бугунги меҳмонимиз Ўзбек Давлат драма театри актрисаси, кино ва театр санъатига улкан ҳисса қўшиб келаётган серқирра ижодкор Муҳаббат Абдуллаева. Ташриф чоғида севимли актриса филиалимиз фаолияти, йўналишларимиз ҳамда ижодий жараён билан яқиндан танишиб чиқишди. Шундан сўнг Мусиқали театр актёрлиги 3 – босқич талабалари учун актёрлик маҳоратига оид ижодий маслаҳатлар, йўл – йўриқлар беришди. Учрашувдан миннатдор бўлган филиал талабалари машҳур актрисага узоқ умр ва ижодий парвозлар тилаб қолишди.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: facebook.com/dsmi.fmf.14
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-vC2pC4yS4-kh4NL2u

Йўл ҳаракати қоидаларига амал қилиш

Ўзбекистон давлат санъат ва маданият институтининг Фарғона минтақавий филиали мажлислар залида профессор – ўқитувчилар ҳамда талабалар билан «Ўзбекистон Республикаси Вазирлар Маҳкамасининг 2019 йил 9 – апрелдаги «Йўл ҳаракати қоидаларига ўзгартириш ва қўшимчалар киритиш тўғрисида»ги 292 – сон қарорининг мазмун моҳиятини тарғибот этиш мавзуси остида йиғилиш ўтказилди. Йиғилишга Ўзбекистон Республикаси ИИВ Академияси йўл ҳаракати хавфсизлигини таъминлаш кафедраси ўқитувчиси, лейтенант Баҳодиржон Пўлатов ва Қўқон шаҳар ИИО ФИБ ХПИБ ВЕ ва ЁЎХПТЭГ катта инспектори, майор Дилшоджон Эргашевлар ташриф буюришди. Сўзга чиққанлар ҳозирги кундаги йўл ҳаракати хавфсизлигини таъминлашда йўл ҳаракати қоидаларининг ўрни ва вазифалари нималардан иборат эканлигини талабаларга тушунтиришди. Шунингдек Ўзбекистон Республикаси Президентининг «Йўл ҳаракати хавфсизлигини таъминлаш тизимини янада такомиллаштириш чора – тадбирлари тўғрисида» 2017 йил 11 июлдаги ПҚ – 3127 – сон қарорига мувофиқ йўл ҳаракати хавфсизлигини ишончли таъминлаш соҳасида комплекс ташкилий – амалий чора – тадбирлар амалга оширилганлиги бўйича маълумотлар беришди. Йиғилиш давомида йўлларда содир бўлган, йўл транспорт ҳодисалари тасвирга туширилган видеороликлар намойиш этилди. Йиғилиш сўнгида филиал талабалари ўзларини қизиқтирган саволларга тўлиқ жавоблар олишди.

ЎзДСМИ Фарғона минтақавий филиали матбуот хизмати,
Расмий веб сайт: www.dsmi-qf.uz
Телеграм канал: t.me/uzdsmifmf
Фейсбук саҳифаси: facebook.com/dsmi.fmf.14
Инстаграм саҳифаси: www.instagram.com/dsmifmf/?hl=ru
You tube канал: www.youtube.com/channel/UCMSJ-